Allir nemendur og allt starfsfólk framhaldsskólanna geta tekið þátt í Hjólum í skólann svo framarlega sem þeir nýta eigin orku til að koma sér til og frá skóla þ.e. hjóla, skokka, ganga, nota línuskauta, nýta almenningssamgöngur o.s.frv.

Hjólum í skólann stendur frá 9. – 22. september að báðum dögum meðtöldum.
Hver þátttakandi má því að hámarki skrá tíu daga.

Meginmarkmið með „Hjólum í skólann“ er að hafa áhrif á ferðavenjur framhaldsskólanema og starfsfólks. Þó svo að eftirfarandi leiðir séu frábærar til hreyfingar í daglegu lífi samræmast þær ekki meginmarkmiði verkefnisins. Því má ekki skrá:

• heilsubótarhreyfingu í hádeginu, göngu eða hjólreiðatúr
• ef farið er út að hjóla eftir að heim er komið úr skóla

Þátttökudagar hvers framhaldsskóla eru reiknaðir út frá heildarfjölda nemenda og starfsfólks og út frá heildar fjölda þátttökudaga sem skólinn hefur náð.

Þátttökudagar = heildarfjöldi þátttökudaga sem skólinn hefur náð / heildarfjölda nemenda og starfsfólks við skólann.

Leyfilegt er að nýta allan virkan ferðamáta í Hjólum í skólann:

• Hjólreiðar (líka rafmagnsreiðhjól þar sem þarf að stíga með)
• Ganga
• Hlaup
• Línuskautar, hjólabretti
• Almenningssamgöngur
• Annað sem felur í sér virkan ferðamáta

Þátttakendur mega skrá eftirfarandi ferðir:

• í og úr skóla

Framhaldsskólunum er skipt niður í þrjá flokka eftir heildarfjölda nemenda og starfsfólks. Í hverjum flokki er keppt um flestta þátttökudaga hlutfallslega miða við heildarfjölda nemenda og starfsfólks. Flokkarnir eru eftirfarandi:

• 0 - 399 nemendur og starfsfólk
• 400 - 999 nemendur og starfsfólk
• 1000 o.fl. nemendur og starfsfólk

Þegar framhaldsskóli er skráður til leiks skal skrá inn heildarfjölda nemenda og starfsfólks við skólann óháð því hvað margir taka þátt í verkefninu.

Ath. hver skóli fyrir sig þarf að meta hvaða nemendfjölda hann notar þegar heildarfjöldinn er skráður. T.d. má draga frá hópa sem eiga erfitt með að taka þátt eins og nemendur í fjarnámi og kvöldskóla.